ohce

人生第一次遺憾我沒有一台具攝錄功能的手機，否則繼巴士阿叔、地鐵阿叔、東鐵阿叔、電車阿叔之後，勢必熱爆全港，看過馬上讓人覺得所謂的大師阿巴斯只不過是影子，影子的影子。隆重呈獻：

 

巴士系最新潮作──巴士仔

  

10

巴士，巴士少年，巴士迷

 

9

你知唔知乜野叫9記，新記，城記呀？

係人都知架啦

 

8

你，你有冇人揸巴士架

冇，你有冇呀

 

7

喂，我投訴你地架巴士好熱呀…LH2487，哦，GM2487，9點10分…”沙田體育館”

咁你地可唔可以派多d超級富豪落泥呀…

唔駛呀，我要返工

 

6

師傅呀，你架車好熱呀

你上樓上呀

唔係呀，你架車係熱狗改裝所以好熱呀，

師傅呀，你架車係咪熱狗改裝架

咁你同我問番車房呀…

 

5

坐呀，坐呀，我預留左座位俾你地架啦，坐呀

問我呀，問我呀，係”宋皇台”落車，轉17號，

4個2囉，我係”何文田”返工…

 

4

細路，你同個巴士司機講好熱呀

你同個巴士叔叔講好熱呀

你同個巴士佬講好熱呀

我唔想放工坐熱狗呀

 

3

你係咪佢阿媽呀，你係咪肥仔佢阿媽呀

antie，我覺得你個仔似房祖明呀，成龍個仔呀，唔係啦，”春田花花幼稚園”果個房祖明呀，柏林仔做架

 

2

你地砌唔砌模型架，我送架車俾你地呀，親子活動啱晒呀

我落車喇，你同我一齊落呀，我帶埋你去搭車先返工呀

 

1

尋日我俾個精神仔狂鬧呀，我頂佢個肺呀，係咁話左我十幾分鐘呀，個精神仔狂鬧我呀，autie

 

0

太初有言

 

2006年7月10日，全球數十億的觀眾見證著世界盃落下帷幕，一聲哨子，兩種斷腸──法國隊未竟全功，功簣一頭；一代球王施丹用愛換真心，黯然銷魂。

當然，為時一個月日顛夜倒的狂人生活終於結束，亦是一家便宜萬家著──意大利如願四奪世界盃，舉國若狂；每個球迷的背後備受冷落的另一半，破鏡重圓。

 

總結今届世界盃，入球創新低，球證執法水準大受訾議，講波佬水準一蟹不如一蟹，阿叔退埋休，就蟹都無埋(因為小弟唔算係)，睇泥香港要靠cepa禮聘央視阿叔黃健翔落泥支撐大局先得喇。

 

球隊方面，港人最愛既英格蘭，31歲既碧咸老態畢現，踢到嘔咆一幕令人難忘，再不是PHENOMENON的奧雲出師未捷打豎出場，講起都心傷，暴得大名既朗尼仔，在群英會中，似乎連根葱都不是。而巴西隊呢，虎頭蛇尾，死得不明不白，仿佛沒有被擊敗就出了局一般，佢地既神話沒有被打破，看來永遠也不會被打破，輸波唔係朗拿度江河日下唔係細哨打得差，輸波唯一既解釋永遠係佢地打、假、波！

 

波，係圓既，轉來轉去，沒有漏洞的那一隊會成為冠軍，本來就是不變的真理。今界世界盃，再度由防守足球稱霸，枉費了國際足協多年以來積極推動的進攻足球。今界世界盃，意大利擊敗了足球，奪得了冠軍。

 

 

(47356.jpg )
(47355.jpg )

 土瓜灣

cyber cafe

不是很黑

有很多煙火

我很安全

沒有人發現我

為什麼在孤獨之中需要兩張圖片?

阿巴斯的《十》

看過這套片子你會極為欣賞極為渴求沉靜的甜美

如果不是僅僅限於看的當下

6點正

侍役在抹枱

我差不多要走了

想走就走

我很安全

沒有人發現我

 

今届世界盃由兩支「神奇球隊」爭奪冠軍寶座，一支，係意大利，佢地係世界盃之前飽受國內醜聞困擾，結果就憑住上下一心先後兩場打到加時先至解決對手，化險為夷，犀利；另一支，係法國，佢地由分組賽差點零進球出局到最後化險為夷過關斬將殺到入決賽，由最初一致被睇淡到連頂頭大熱門巴西都被佢地攪掂，真可謂化腐朽為神奇。

 

比賽來到這個階段，大家談論既焦點都無可避免係邊隊係冠軍既競猜無獎遊戲，不過計我話，邊一隊球隊更為神奇更加值得我地討論。

 

嗱，意大利，佢地就三届世界冠軍，經驗豐富，落到場打真軍打足120分鐘，有心有力，而且時間控制得無懈可擊，永遠在對手望見十二碼的高潮時將他射進崩潰的深淵，鋼鐵戰士，無花無假，風月佬呃你十年八年。

 

相比之下，法國隊入決賽就好有偷食feel，都係早早領先對手，之後就冇晒力──對住巴西就56分鐘下半場；對住葡萄牙就更加早洩，上半場34分鐘就黎料，結果又係一球之後就勒住勒住。成場球賽90分鐘，佢地急急忙忙就解決左件事，始終無睇意大利咁過癮既。不過論神奇程度始終都係佢地稱先d：你話喇，邊有人咁勁架──入完一球之後，佢地依然挺足90分鐘……但係始終唔梅開二度果度令人難解嘛。

 

不過咁，話說到這裡，口痕友難免會說到法國隊有個施丹，之前佢就比傳媒同國民狂轟狂炸棄若敝屣，宜家就鹹魚翻生老蚌生珠，個個一定話佢吃左威而鋼；希望依粒34歲既法國威而鋼能夠撐得起成隊法國隊啦。因為睇落意大利佬的確係有真材實料多d既！

(46436.jpg )

我的言詮就是我的囚牢

你的名字就是你的魔鬼 

我已走過很遠的路

簡直不知道什麼叫做徬徨