ohce

今日教大家煮既係語理pancake 

材料：識講野既野一個，建議選購律師出身，較新鮮；廢話一堆，勿洗；青瓜兩條，切好，伴碟用

做法：時間關係，請看成品 

拍左套bb計劃既成龍近日告訴亞洲週刊，說我們應該少拍一些英雄無極之類，而應多拍一點「現實主義」的片子。大哥不愧為大哥，他敏銳地捕捉到香港電影的死症──虛假的、誇張的、獨沽一味的、死里死氣的──戲劇性！只是他的那套威尼斯影展觀賞作品算得上是「現實主義」了麼？難道他天真得以為尸居餘氣的許冠文能讓他借尸還魂嗎？

唔知係宜家既體育從業員冇料到定無線無良心，搞到d體育報導得過且過，無晒神采，以前都仲有伍講明d精彩評述搭救返多少，宜家？剩低既伍堅成同伍家謙成日俾d主播李津等人恰住曬，印塘發黑，雙目無神，了無生趣，每次睇見佢地報完體育講「講交返俾你」都有種被閹割既感覺，叫人氣悶。所謂將軍一去，大樹飄零，連我自己都轉台去睇亞視。

講返正題喇，昨晚亞視有單新聞令我係有不少感觸既：

話說巴西一場足球賽由女球證執法，點知一腳斜出既射門最後竟然糊裡糊塗被判成入球，點解？咪因為一個拾球童將個界外球放入個龍門網囉，唔知個球證發雞盲定發緊夢，由球員射波開始，隔左成個lunch break先唱雞話入球。

所謂錯誤是球賽的一部份，我地當個笑話也是無妨，不過我伍講明就唔贊成由女球證執法男子賽事。點解？因為女人根本唔知足球為何物！你話我大男人都係咁話！

不過話說回來，我覺得個女球證某程度上都叫做誠實，她始終是忠於她看到的東西，比起東方日報個記者話個波係球僮「大腳射入」，就真係有點天方夜譚feel。

睇見佢寫得繪聲繪色，如在目前，真係令我懷疑自己有冇睇錯。好波不妨一睇再睇，大家不妨睇下佢吹得有冇伍講明咁好：

「當時已經係八十九分鐘，主隊落後一球，喺一次攻門射斜後，主場執波仔極速搵番個波大腳射入，執法球證發雞盲話係合法入球」

丙戌之秋，七月既望，偕蠻遊馬鞍山無名之灘，因其無名也，名之曰馬尾灘，蓋其處有一泊橋中分兩灘而入海也。其時白露剛過，涼意侵人，馬尾灘頭，風起水湧，古人興感，良有以也，而蠻迎風而嘆：好舒服。商量季候，幸有佳人，不覺與蠻相知已一載矣！蠻喜行邁，意甚於我，街巷流連，常不欲歸，今竟提議徒步返家，吾欣欣然而欲從，奈心有牽絆，始終難行，因囑蠻早歸，多讀兩本書好過。自大學以來，吾惶惶汲汲，若有所失，於今未已，天奈何哉！有詩曰：

冷風相識暖衣初

夜行喜見野山坡

燈影伴人長不寐

漁亭喚雨忽欲歌

與君望遠同迷惘

假言路遙共轗軻

賦歸尚覺精神好

只恐今晚吃未多

為什麼香港電影不能拿金獅獎？

(53246.jpg )
(53247.jpg )

美國公開賽拿度出局，搞到25歲的費達拿老眼平生空四海，放目無人。其實7月溫布頓老費已經以輕鬆姿勢擊敗過拿度，叫信仰奇跡的人們傷心苦盡，大衛已死，奈巨人何？難道叫伍講明御駕親征麼？講我就天下無敵，打我就實行仆直！時速高達246.2公里既波唔係圓既！